هو الأديب محمد المختار ولد اعل ولد محمد محمود ولد لمحيميد المعروف " بولد تارمب " و من شعره رحمه الله:

شفت افيم ألا اصبيبَ = تبسامُ تكشارْ

كبلت ساحل بوعْليْبَ = ف إزمانْ المختار

وله :

من لزم الحزم إلا انزاد=واكبر واتفاحش وورَ

ذوك التجال وذوك زاد=لمظلّمْ راص آمورَ

وله :

گَيَّمْتْ أغلَ لَغْيادْ =البارح يَلْجَوَّادْ

فِبْلَدْ ماهُ مُعتادْ =يَخْلَعْ بيهْ اتلاحِيگْ

فيهْ الناسْ الرِّگَّادْ =مِسْتَحْرَفْ خَوْفْ الظِّيگْ

والَّ مَسُّو تِگْلابْ =عَني وارْفَعْتْ ارْگِيگْ

وبتْ انْعاوِ لَكْلابْ =وبتْ انْعَاوِ لِعْتِيگْ

وله :

هَاذ لحْسَيْ الوَاكَف حي = گَبلت مجحودَ فيه الطٌيْ

يَامَس وَگفت اَعليه اشويْ = خَرٌصت اَفطَيٌ وَافْيَمٌ

ألاٌ يَحجَللٌى فَيه اَحْسَيْ =كَطيٌتْ اوٌكَفت اعْل فمٌ

وله :

ليلَ بعد إفلخيامْ = إلِّ عندْ أعرَّامْ

حد افعلهَ لكلام = الخاسرْ عِمْلْ إعْلِيهْ

واعملْ زاد إعل أيام = حابس سيكَ فيديه

ماهُ فوكَ التخمام = واشفَ فيه أعاديه

ء ذاك إل فيهْ الخير = أشبهْ حد إواسيه

ليلَ فالخير أخيرْ = من وَحْدَ ماه فيه