المختار(خطري) بن اعمر بن اعلي قتل اخوه هنون بن اعمر في أغسطس سنة 1829م وتأمر بعد قتله .

 اشتدت في فترته الصراعات الداخلية بين أولاد أعمُر بن الفحفاح، وكان شديد البأس، ازدهرت في عصره التجارة في المنطقة، قُتل في وقعة مدلل سنة 1841م ، وفيه قيلت التهيدينه المعروفة بالقِصاص حيث يصف الشاعر كيف انتقم من اخيه لاخيه:

اتوسلت الربن القهار           ///////                  لِقْدِيمْ ٱلِّ مَالُ مَثَلْ

وٱبّرْكِتْ سَيِّدْنَ عُمَارْ           ///////                  ؤسَيِّدْنَ عَالِيٌّ سَيْتَلْ

وٱبْنِ عَفّانْ ؤُگَوْمْ الغَارْ         //// //                  ٱلِّ وَكْتَنْ دَخْلُوهْ ٱنحَلْ

عادْ ٱلْهُمْ وِسْعُ كِيفْ دّار       //// //                  ؤلاَ كِيفُ دَارْ ٱبرُودْ ؤظَلْ

وٱهْلْ الفقه العِلْمَ لَبْرَارْ         ///////                  وٱلِّ گطْ ٱرْكَعْ مِسْتَقْبَلْ

يعْمَلْنِ گيدِي لَهْب النار         ///////                  ذاك ٱنحَوْشِيهْ آنَ لَوَّلْ

ويَعْمَلْ صَلْطَنْتْ أخْيَارْ أبْكَارْ  ////////                ذِرِّيِّتْ هَنّونْ ٱمْبَهْدَلْ

ٱتقَيِّي بِيهَ عَرْبْ أطَارْ         ///////////             فِسِّكْنَ وٱصْلاحْ العَمَلْ

ؤيرزق لُ مِن كُبْرْ الْمِگْدَارْ   //////////           ؤكُبْرْ النّشْرْ ؤزَيْنْ الْمَنْزَلْ

والْهِيبَ والْمَانْ ؤلَعْمار      ////////////          فيهَ الْ مَا صَابْ ٱعْلِ لَوَّلْ

بَاشْ اتّمّ أهلْ الْحَوْظْ أعْمَارْ //////////            وايْتَمْ الصالحْ مِتعَدّلْ

الْمِتحَمّلْ حِمْلْ أهْلْ ٱجَّارْ     ////////            ؤلا گطْ ٱعْلَ ٱجَّارْ ٱتبَدّلْ

طَرّاحْ الْجَوْرْ ٱعْلَ ٱجِّيَّارْ   ////////            مِن خَوْفْ ٱجَّوْرْ ٱتلَ يِنْعَلْ

إلَيْنْ ٱبْدَاهْ ٱشْظَفْ لَشْرَارْ   ///////              مَاهُ فلِّ كانْ إيْحَجَّلْ

ؤلاهُ عارِفْ للشَّرْ أخبار    /////////          ؤلاهُ دَارِ شِ مِن لِعْقَلْ

ٱعْمَلْ فيهْ النّهْرْ الْخَصّارْ   /////////         أفعالْ أفُگرَاشْ ٱتنَهْوَلْ

نَفَّدْ سِيدَ ٱحْمَلِّلْ مِخْطَارْ    /////////     ؤدَوْكَاهْ ٱعْلَ الشَّرْ ٱِيلَنْ مَلْ

وكْتَنْ مِنُّ نَصْلُ لَظْفَارْ     ///////        ؤمِنُّ تِحْجَالْ الگلْبْ ٱنصَلْ

گاسْ الشيخْ ٱبْهاه ؤژَارْ      ////////      بِيهْ ٱلْ مُولْ الْمُلْكْ ٱتوَسّلْ

ؤَرْكبْ ٱمِّنْ فَمْ ٱمْگافِ دَارْ  /////         ذاك ٱلِّ مِنُّ مِسْتَخْوَلْ

لَحْگْ الزِّعْمَ فِطّامْ أظْهَار    /////////      مَاهُمْ فِلِّ كانْ ٱمْحَجّلْ

ؤٱجْمَعْ تِرْكِتْ حَمُّ لَحْرَارْ       ///////      وَٱلَّ گالُولُ لا تَعْجَلْ

ٱحْنَ هَاذُ مَخْتَمْ لَخْبَارْ           ////////      ؤمَزِلْنَ مِن ذِ الناسْ أگلْ

غيْر ٱيلِ عَادِتْ فيهْ النارْ    //////////        ٱلْ دَايرْ بَعْدْ ٱنتَ يَحْصَلْ

صَبْرْ ٱعْلَ ذَ ، وٱثْرُ صَبَّارْ     ///////         وٱرْفِدْ بِدَّبْرَ واتمَلْمَلْ

ؤتَمْ ألَّ فِي ذَاك التِّحْيَارْ        ////////         إلَيْنْ ٱفتَحْ رَبِّ بَٱعْجَلْ

وٱمْنْ أخوالُ جاوِهْ لِكْبَارْ      /////////         گالولُ ذَ گاعْ إمَلّلْ

شَرْمَطْ گومْ أرْكَبْ يَلْمِخْطار   /////////       سِيرْ ٱمْعَ هنون ٱتعَدَّلْ

سَمَّ وٱركَبْ عِلِّتْ لَعْمَارْ        /////////      وٱنفِدْهُمْ فِنهَارَاتْ الطّلْ

وكتَنْ جَ ٱلْ لَرْيَامْ ؤلَشْعَارْ       ////////      فرْحُ وٱلْعَبْ كَمْ ٱمْنْ ٱطبَلْ

وٱثرُ مُول الملك القهار         /////////       فاتْ ٱلْعَبْ لُ گاعْ ٱفْ لَزَلْ

مَسُّ هاكْ ٱمعَ خُوهْ ٱجْبَارْ      ///////          غيرْ ٱعليهْ ألاّ يُرَطّلْ

بِنُّ طِرْگْ النِّقْصَ لِكْبَارْ         ///////               وَسَاهُمْ مِنُّ مُبَدّلْ

وأثرْ ٱزعيمْ ٱعْرَبْ بِلَّمْطَارْ      ///////                ٱعْلَ بُبِّيَّ مِشَّكْمَلْ

ٱخْظَمْ فِيهَ كَمْ ٱمْنْ ٱنهارْ         ////////              ؤنِجْعْ أهْلْ البِلْ گامْ ٱمْسَوْحَلْ

والْمِتگَوَّدْ قِرْشْ ٱلْ لَعْمَارْ       /////////             وٱصبَحْ نَجْعْ البَگْرَ يَرْحَلْ

لَيْنْ ٱمْرَگْ لِفْرِيگْ الدّارْ        /////////                والنّفْلْ ٱعْلَ لِمْصَلِّ حَلْ

ٱعْمَلْ غَيْثْ ٱجْمَايِعْ لَشْعَارْ       ////////               فِلِّ مَظْنُونْ ٱنُّ يَعْمَلْ

وتِرْكْ أهل الدَّيْنْ ٱدْگِيگْ أنفَارْ  ////////                وٱخْصَلْ فيهُمْ وٱخْصَلْ

وٱخْصَلْ وٱخْبَطْ بِصْبَيْحِيهْ القَدَّارْ    //////       وٱسْلِمْ مِنُّ بَلْ الْمَقْتَلْ

واللَّ مُولْ الْمُلْكْ القَهّارْ              ///////      مَاهُ ٱمْوَفِّ بَعْدْ ٱلْ لَجَلْ

رَدْ الْمَحْصَرْ وَلَّ للدار             ///////     وٱنزِلْ بِيهْ ٱفْ بَلْ الْمَنْزَلْ

وٱگعَدْ صَلْطَنْتْ أعْمَرْ عَمَّارْ      ///////        ٱمْبَارِكْ كامِلْ مُكَمَّلْ

لَيّانْ الگاسِ مِنْ لِعْكَارْ            ////////        ؤهُوّ لِينُ مَا يُحَجّلْ

مَمْلَكِتْ بُوه ٱعْلِ قَيْصَارْ        /////////       طُمّاعْ الگِبْلَ وأهْلْ التّلْ

ؤهَزَّامْ ٱمْحَاصِر صَگَطَارْ     /////////       وكَهْمَشْ ؤلِعْرَيْشْ ؤدَرْگَلْ

ؤمَمْلَكِتْ خُوهْ ٱعْلِ ثَمَّارْ       /////////           ٱزْمَانُ لَحْگُ مَا يُگَلْ

ٱمْتَسْ ؤبَعْدَنْ عَادْ أثَارْ         ////////            رَدُّ لَحْسَنْ حَالُ لَوّلْ

بِلْهِيبَ والْمُلْكْ ؤلَقْفاَرْ         ////////        والسِّكْنَ وٱطْرُوحْ العَدَلْ

وٱشْبِهْ بُوهْ ٱمْحَمَّدْ دَصّارْ      ////////        لَطْفَالْ ٱعْلَ بَايِنْ لَكْحَلْ

فَتّاحْ الشِّكْلاتْ ٱلْ لَنْظَارْ       ///////        كانْ ٱعلِيهُمْ هَمْ اتْخَبّلْ

وهاذَ ٱلِّ عَدّيْتْ المخطار       ////////   أرْيَسْ مِنُّ كامِلْ وأرْجَلْ

وأمَوْرَرْ وأمْتَنْ كُبْرْ أخبَارْ     ///////    وأفتَحْ وأنَهْوَلْ وأسَطْفَلْ

مَارِتْ بَاشْ ٱعْدِمْ مِن لَنْظَارْ   ///////       نَظْرُ مَاهْ ٱلَّ حَدُّ گَلْ

شِفْتُ زِعْمِتْ لِعْرَبْ لِكْبَارْ      ///////        يِگْمِيهَ بِالكَيْدْ ؤلِعْقَلْ

ؤلَفْظُ كِيفْ النقش ٱفْ لَحْجَار  ///////       ؤلا گَطْ ٱعْلَ وِلْ آدِمْ زَلْ

ؤطِيِّبْ مَا يَعْگَدْ وِجْهْ ٱنهارْ     //////        وِجْهُ كُونْ ٱتعُودْ ٱفْ مَحَلْ

وشِفْتْ ٱلِّ جاهْ ٱمْنْ أثَمّارْ       ///////          إيوَلِّ هَمُّ مِتْعَدّلْ

ؤشِفْتْ الحفاظ أهْلْ التِّكْرَارْ     ///////         ٱلِّ مِنْهِمْ جَاهْ إمَوّلْ

بالبُگْرَانْ ؤذَهْبْ التِّعْشارْ        /////////         وأكْلالْ اتجيه ٱمْنْ أرْضْ التّلْ

والخيل ؤلِيبال ؤلَوْژَارْ           /////////          أمَّ لِقْنَمْ مَا گطْ ٱوْحَلْ

فيهَ لَيّانْ أهْلْ التِّعْكَارْ        /// /////       غيْرْ الْحَمْدْ ٱفْذِ ٱلدِّنْيَ گَلْ

لُكَانْ ٱلِّ شِكْرْ المخطار      ///////           وِلْ أعْمَرْ حَقُّ مُنَزّلْ

مَا يَبْگَ وَرِيعْ ؤنَجّارْ        ////////          مَا تَمْ ألاَّ بِيهْ إهَرْبَلْ

ٱنعودُ فيهْ ٱحْنَ لَشْعَارْ       //////////          مِنْ لَبْنِ عَمْ ٱبْعِيدْ أگَلْ

شَرُّ مَاهْ ٱفْ خِدْمِتْ لَعْمَارْ     /////////           گاسِ وإينَكّدْ ويْمَلَّلْ

لُكَانْ ٱطلَعْ مُلاهْ أجْفَارْ         ////////           كُونْ إجِيهْ ٱفْ جَيْشْ ٱمْدَبّلْ

فِيهْ أثْمِنْ مِيتْ ٱمْدَيّرْ نَارْ        ////////          وألْفَيْنْ ٱمْنْ الرِّجْلِ لَكْحَلْ

أبلاَ لِخْنَازِيرْ الكفار             ///////            ؤجَيْشْ أهْلْ إيفُنْدِشْ لِمْبَوْقَلْ

وٱلِّ مَالِكْ زادْ الْخَصّارْ         /////////         مِنْ جِلْ أصْفَرْ وأحْمَرْ وأكحَلْ

هاذَ وَكْتَنْ خَبْطُ لَمْطَارْ         //////////         ٱطْلَعْ كامِلْ بيهْ ٱمْسَوْحَلْ

إصُوعْ أهلْ الدّيْنْ ٱمْنْ الدّارْ    /////////        ويصُوعْ الْمَخْرَفْ ويْمَرْسَلْ

ويِجْدِبْ لِمّالِحْ مِنْ لِخْظَارْ      /////////          وَكْتَنْ تَفْرَقْ تَيْتَلْتْ الطّلْ

ويعُودْ الْحُمّانْ أژَبَّارْ          ///////            ؤلا يِگدِرْ مَخْلُوگْ إيگَيّلْ

يِتكاثِرْ مِن لَيْلْ الطَّيّارْ       ////////         ؤلا يَبْگَ حافِرْ مَا فَنْقَلْ

ويعودْ ٱزْمَانُ كِلْ ٱنهارْ      //////           إجِيهْ ٱطْوَايِفْ يِتْوَيّلْ

يِتْبَرّمْ سَدَادْ ٱجِّيّارْ            ///////             بِزْمَانُ بِشَّوْرْ ٱمْسَحَّلْ

مَاهْ ٱعْلَ عَارْ ؤلا مِعْيَارْ    //////         ؤلاهُ عَنْ سِبَّ مُعَجَّلْ

ؤجِهْدْ ٱرْحِيلُ كامِل تِكْصَارْ //////           وفيهْ إيزَگْلَمْ كَمْ ٱمْنْ ٱطْبَلْ

خالِگْ شِ بَعْد ٱصَّ لُطَارْ     ////////         إيتَمْ ٱعليه ألا يَعْمَلْ

عَيْطَاتْ الْخَوْفْ ٱف كِلْ ٱنهار  ///////       مَا يِرگِدْ وَقْتْ ؤلا يَقْفَلْ

ؤبَانِيهْ الله ٱعْلَ لِمْرَارْ           ////////        ؤقِزْيَانُ فِدَّهْرْ ٱترَوْطَلْ

گَطْ ٱسْمَعْنَ فِجْهَلْ لَخْبَارْ       ///////    ٱنْ القَزِّ كَانْ ٱمْسَوْحَلْ

وٱنهَظْ يَوْخَظْ مُلاهْ أدهَارْ        //////    ؤهُوَّ لِنْهُوظُ مَا حَجَّلْ

خَطْرِي مَا يَوْخَظْ وِجْهْ انهار      //////     مَگالْ القَزِّ ألاَّ يَنْعَلْ

مَا يَوْحَلْ فَزَاگِلْ لَعْمَارْ             ///////    وٱفْ سَمْعْ الكَصْرَ مَا يَوْحَلْ

وٱيْمُوتُ الْخَيْلْ ٱمْعَ لَبْكَارْ       ///////           وايتَمْ ٱيگولْ ألاّ يَعْمَلْ

مَا رَيْنَ رَاحَ لَهْلَ أظْهَارْ        ///////          يَلْخَاطِ لِمْدَنَّ تَشْعَلْ

وانَ مَا قَالِبْنِ تُوثَارْ             ///////        ٱلِّ مِنْ عَمْلُ گطْ ٱعْمَلْ